Halelujah!

Arbeidarpartiet har opplevd sitt største månadlege fall på åtte år. Det skal det norske folk vera takksame på. Det einaste som manglar no er at dei held fram med å falla på same måten i eit halvt år til – slik at dei kjem ned på eit nivå som tilsvarar den reelle storleiken som Arbeidarpartiet bør ha – noko under ti prosent.

Men det avheng sjølvsagt av at folk byrjar å tenkja sjølv. Og det har jo stort sett Arbeidarpartiet gjenom Einskapsskulen gjort kva dei kan for å forhindra – dei seinaste 60 åri.

Det er difor eit godt bøneemne for alle kristne dette – å be om at fallet held fram.

Kor er gjenfødinga?

Ein må undra seg over enkelte kristne – serleg mange av deim som vert rekna som framståande kristne – og som tykkjer at noko av det verste som hev råka dei kristne verdi over; var reformasjonen.

Det kann ikkì vera anna enn rein blindskap.

Havde det ikkì vore for reformasjonen – vilde det idag truleg knapt vore kristne i verdi.

Ta til dømes Shane Claiborne som bur i det fatigaste distriktet i Philadelphia. Han lever på 750 kroner i månaden og meiner at den største tragedien ved reformasjonen var skiljet millom tru og gjerningar.

Tenk so blind det er råd å verta.

Reformasjonen var jo nett ei uppgjerd med tanken um at ein kann gjera seg fortent til himmelen med eigne gjerningar – millom anna det at ein ved avlat kunde kaupa seg rom i himmelen. Den protestantiske forståingi derimot er at gjerningane er ei frukt av frelsa – og ikkì motsett. Det var ei lausriving frå det loviske – frå Babylon som fekk eiga rom.

For all del – i mange samanhengar er evangeliet blitt gjort so "lett" at det faktisk ikkì er eit evangelium meir – utan at nokon ropar og seier frå um det.

Samstundes er det jo lett å skyna at Claiborne meiner det han gjer. Han hev jo fått upplæring frå mor Teresa – som til det siste tilba Maria – himmeldronninga – Babylons gudinne.

Ein kann undrast – er det slike tilstandar Claiborne vil attende til?

Tanken hans um at Jesus var "heimlaus" held helr ikkì mål. Jesus var "omreisande" – han var ikkì "heimlaus" – og det er ingenting som tyder på at Jesus var direkte "fattig" helr, sjølv um det ikkì er sagt nokon stad at han var "rik", i vår skyning av ordet.

Han hev nok rett i mykje av sin kritikk når det gjeld "kristent arbeid" som helr er "kristeleg" enn "kristent" – men derifrå til å femna den babylonske religionen med tilbeding av sola – det vitnar lite um å vera gjenfødd – som han snakkar so varmt um.